Një ngjarje e rëndë ndodhi mesditën e sotme në lagjen “Pavarësia” në Vlorë, ku një grua 35-vjeçare u hodh nga pallati bashkë me fëmijën e saj 2 vjeç.
Fëmija i vogël ka gjetur vdekjen e menjëhershme ndërsa gruaja ka ndërruar jetë në spital.
Sipas dëshmisë së banorëve në vendngjarje, gruaja është hedhur nga kati i pestë i një pallati, në të cilin nuk ishte banore.
Dëshmitarët tregojnë se gruaja ka shfaqur fillimisht shenja jete, por ka ndërruar më pas jetë në spital.
Nuk dihen arsyet që e kanë shtyrë 35-vjeçaren të ndërmarrë një veprim të tillë. Ndërkaq, “blutë” nuk ka dalë ende me një njoftim zyrtar mbi ngjarjen e rëndë.