Grupi i Rithemelimit njofton policinë për protestën, Muçollari: Do të jetë paqësore

Edhe pak momente nga ndajnë nga nisja e protestës së thirrur nga Grupi i Rithemelimit të PD-së kundër takimit në kuadër të nismës ”Open Balkan” në Tiranë. Sali Berisha është kundër ardhjes së presidentit serb Aleksandër Vuçiç.

Grigels Muçollari, sekretari ende në detyrë i FRPD-së i cili është një nga organizatorët e protestës, tha se sot do të mbahet një protestë paqësore. Po ashtu ai nënvizoi se do të protestojnë kundër për aferat e inceneratorëve dhe kundër paktit Rama-Vuçiç.

”Në lidhje me protestën e thirrur nga PD për aferën e inceneratorit dhe për ti thënë stop marrëveshjes Rama-Vuçiç. Komisioni i përkohshme i PDSH, me logo dhe vulën e re të PD-së, merr lejë për protestën. Kjo do jetë një protestë e lirë, njerëzit do të kenë të drejtën e tyre, të mbajnë çfarëdo pankarte të duan. Fton të gjithë shqiptarët të protestëjnë dhe për aferat e inceneratorëve dhe kundër paktit Rama-Vuçiç. Është një protestë paqësore dhe ftojmë qytetarë që t’i bashkohen”.