Hapet spitali i parë rajonal për koronavirusin, Manastirliu: Covid-5 në Elbasan, ka 81 shtretër

Është hapur ditën e sotme spitali i parë rajonal për koronavirusin. Ministrja e Shëndetësisë, Ogerta Manastirliu, thekson se është hapur Covid-5, që do të jetë Spitali Rajonal i Elbasanit.

“Pamë të gjithë pavionet antiCovid. Janë të gjitha shërbimet për të trajtuar qytetarët e infektuar. Janë 81 shtretër, që kanë infrastrukturën dhe pajisjet e nevojshme, në funksion të të gjitha standardeve”, tha ministrja Manastirliu.