HISTORIA/ Drama e 12 vjeçarit që u mbyt në liqen, i ati në qeli pas përdhunimit të së bijës

Pas vdekjes tragjike të 12 vjeçarit në liqenin e Kasharit gjatë mesditës, tashmë është zbardhur drama e familjes. Djali i vogël, të atin e ka në burg për përdhunimin e së bijës.

12 vjeçari me inicialet F.G., është djali i Fatos Gurakuqit, i cili shtatorin e një viti më parë u akuza nga e bija e tij 15 vjeçare për përdhunim.

Ai e mohoi këtë gjë në mënyrë kategorike, madje në mbrojtje të tij doli edhe e shoqja, por analizat e ADN-së nxorën të dhëna tronditëse, pasi në mbathjet e së bijës u gjet sperma e tij.

Një banore e Mëzez Kodër, Tiranë është rrëfyer per “JOQ” se 15 vjeçarja ndodhet në një qëndër rehabilitimi, ndërsa Fatosi ndodhet në burg pas denoncimit të vajzës.