Humbet paratë duke luajtur, amerikani thyen derën e kazinosë në Sarandë

Një shtetas amerikan është duke u proceduar penalisht nga ana e Policisë së Sarandës, për “shkatërrim prone”.

Bëhet fjalë për 34-­vjeçarin Christopher Shannon. Ky i fundit kishte shkuar të luante në një kazino në qendër të Sarandës ditën e dielë. Por për shkak se ka humbur 5 mijë lekë të reja, ai është nxehur dhe ka thyer derën prej xhamit të kazinosë.

Më pas ka tentuar të iki me vrap, por është kapur nga punonjësit e sigurisë, të cilët më pas kanë njoftuar policinë.

Mësohet se shtetasi amerikan jeton në Delvinë, ku punon në një firmë që merret me nxjerrje gazi.