Humbi vulën, 4 alternativat e Bashës

Pasi humbi vulën e PD-së që e mbante me shumë forcë, Lulzim Basha pritet të mbledhë nesër në orën 14:00 mbështetësit. Kryesia, Kolegji i Kryetarëve dhe grupi parlamentar do të jenë forumet që do të takojë Basha. Pritet që në takimet e nesërme të konsultohet me ta dhe të ketë një vendimmarrje sa i përket të ardhmes politike. Për t’u diskutuar janë 4 alternativa: partia e re, fraksion tek Partia Demokratike, vijim i aksionit dhe rekurs ose të pranohet situata dhe çdokush të ketë vendimmarrje personale.