I dënuar për vrasjen e 4 policëve, GJKKO rrëzon kërkesën e Fran Marashit

Gjykata e Posaçme nuk ka pranuar kërkesën e të burgosurit Fran Marashi, për të dalë nga regjimi 41-Bis, ku është izoluar që prej 13 dhjetorit të vitit 2024. Përmes një njoftimi, GJKKO bën të ditur se Marashi ka kohë 15 ditë për të bërë ankimim në Apelin e Gjykatës së Posaçme kundër këtij vendimi. Fran Marashi, i dënuar me burgim të përjetshëm, u izolua atëherë në 41-Biss në Peqin, për një periudhë njëvjeçare. Marashi është dënuar për vrasjen e 4 punonjësve të policisë, në atë që njihet ndryshe edhe si masakra e Urës Vajgurore ngjarje e ndodhur gjatë trazirave të vitit 1997.