I dyshuar për tritolin në shtëpinë e Armand Dukës, lirohet nga burgu Arlen Hasanaj

Gjykata ka pranuar kërkesën e avokatit për ndryshim të masës së sigurisë nga arrest në burg në detyrim paraqitje. Provat e grumbulluara nga pala mbrojtëse u pranuan nga gjykata e cila ndryshoi masën e sigurisë.

Sipas avokatit mbrojtës, provat e grumbulluara prej tyre u pranuan nga gjykata e cila ndryshoi masën e sigurisë. Vendimi u apelua një ditë pasi u caktua masa ‘arrest me burg’ për Arlen Hasanajn.

“Provat qe kemi dorëzuar qe ne gjyqin e shkuar u morën në konsideratë kësaj radhe dhe u kryen te gjithë akt-ekspertizat për çdo dyshim qe kishin në lidhje me shenjat e gishtërinjve, plagës në dorë etj. Gjithashtu u konfirmua nëpërmjet pamjeve filmike se Hasanaj ne momentin e ngjarjes ndodhej në një zone tjeter pasi u rakorduan iteneraret. Gjykata e shkalles se pare vendosi te pranonte provat“, tha avokati.