I ftohti siberian, me ngrica e temperatura nën zero, hyri në Shqipëri

Nga mesnata e shkuar (22 janar) moti siberian hyri në Shqipëri, temperaturat janë nën zero. Sot dhe ditët e javës tjetër priten të jenë me diell por shumë të ftohta.

Ndërkohë temperatura sot në Tiranë nuk kalon 7 gradë, kurse me e ulëta arrin në minus 6 gradë. Në zonat bregdetare minus 1 dhe me e larta 8 apo 9 gradë. Ndërsa në zonat malore termometri minus 12 gradë dhe më e larta 2 gradë.

Dita më e ftohtë e javës që vjen do jetë mes të martës pasdite dhe mërkurës në drekë ku parashikohet në Tiranë deri në minus 8-10 gradë.

Kurse temperaturat më të ulëta në Kukës dhe Pukë ku parashikohet deri në minus 18-20 gradë.

Edhe Korça nuk do të mbetet prapa, deri në minus 12 gradë.

Agjensia Kombëtare e Emergjencave, Ministria e brendshme, ministria e mbrojtjes dhe ministria e transportit porosisin që të kihet kujdes udhëtimi gjatë këtyre ditëve kur udhëtohet me automjete. Duhet patjetër me goma me zinxhirë dhe shpëjtesi minimale.