I prekur nga Covid-19/Mjeku nga Dibra e Madhe: Po pi ujë, frikë veç për…

Në mesin e të prekurve nga Covid-19, është edhe mjeku nga Dibra e Madhe, Arben Agolli i cili u diagnostikua bashkë me një mjek dhe një inferemiere. Ai rrëfen se masat mbrojtëse të përdorura në klinikën e tyre ishin shumë të thjeshta vetëm maskë, doreza dhe kapele dhe nuk bëhej fjalë për masa më të sofistikuara. “Derisa në punë jemi në linjën e parë të frontit me të sëmurët, pavarësisht kujdesit që tregojmë kjo mund të pritej”, tha për “euronews”.

Nga ana tjetër, i pyetur nëse kishte frikë, ai u përgjigj se i druhej vetëm fatit të nënës së tij të moshuar. “Jo nuk kam frikë, për vetë faktin se është një virozë, kemi pasur edhe viroza të tjera. Nga janari deri në 5 mars në spitalin tonë kemi pasur 3 mijë vizita për viroza, unë më shumë shqetësohem për fatin e nënës sime që është moshë e thyer, për të tjerat jo”.

Për më tepër, mjeku rrëfeu se në kushte shtëpie ishte duke marrë vitaminë D3, vitamina C dhe sidomos ujë, që siç tha është ilaçi më i mirë, duke qenë se virusi prek shtresën epidermale të bajameve dhe mund të largohet me anë të tij.