I riu kërcënonte 17-vjeçaren: 7 mijë euro ose do të të publikoj fotot intime

Një 18-vjeçar është vënë në pranga nga Policia e Lezhës, për shkak se ka kërcënuar një shtetase që t’i jepte 7000 mijë euro.

Sipas policisë ai e kërcënonte vajzën 17 vjeçare se kishte foto intime të saj dhe se do t’i publikonte po mos ti jepte paratë.

NJOFTIMI I POLICISE:

Me datë 17.09.2017, nga Seksioni kundër krimeve ndaj pronës në Drejtorinë Vendore të Policisë Lezhë, pas një pune të mirëorganizuar hetimore dhe profesionale, u bë i mundur arrestimi në flagrancë i shtetasit Kristian N. , 18 vjeç, banues në Lezhë

Ky shtetas dyshohet se ka kanosur me anë të mesazheve telefonike një shtetase të mitur 17 vjeçare, për t’i marrë shumën prej 7000 Euro-ve duke e shantazhuar se do t’i publikonte në rrjete sociale fotografi intime.

Materialet proçeduriale i kaluan Prokurorisë pranë Gjykatës së Shkallës së Parë për Krimet e Rënda Tiranë për veprën penale ” Shtrëngimi me anë të kanosjes ose dhunës për dhënien e pasurisë ” parashikuar nga neni 109/b i Kodit Penal.