Ikin studentët, Fevziu e vë Ramën përballë analistëve

Mbëmjen e sotme moderatori i ”Opinion”, Blendi Fevziu ka ftuar kryeministrin Edi Rama. Ai ka plotësuar kërkesën e studentëve për të mos dialoguar me Ramën, duke e vënë përballë analistëve. Rama do të jetë përballë një paneli gazetarësh dhe analistësh, ku bëjnë pjesë, Andi Bejtja, Robert Rakipllari, Mirela Milori dhe Mark Marku. Kryeministri do t’ju përgjigjet pyetjeve të gazetarëve lidhur me qëndrimin e tij për dialog me studentët, ndërkohë që këta të fundit prej 9 ditësh protestë janë të vendosur për të mos dialoguar, pa marrë më parë konfirmimin e kryeministrit për plotësim të 8 pikave të parashtruara prej tyre.