IKMT aksion për prishjen e ndërtimeve pa leje në Gjirin e Lalëzit

Inspektorati i Kontrollit dhe Mbrojtjes së Territorit, IKMT ka ndërmarrë ditën e sotme një aksion për prishjen e ndërtimeve pa leje në zonën e Gjirit të Lalëzit.

Në një prononcim për mediat drejtoresha e IKMT, Dallëndyshe Bici u shpreh se nuk do të tolerohet më asnjë shkelje e bizneseve në kurriz të mjedisit dhe turizmit.

“Mesazhi ynë për biznesmenët e ndërtimit është i qartë; një centimetër më shumë jashtë lejes dhe do humbisni shumë.

Për 5 lekë më tepër bëjnë shkelje duke dëmtuar vendin. Shqipëria, mjedisi dhe turizmi nuk mund të humbasin”, u shpreh Bici.