IKMT në Orikum, banorët përplasen me policinë

Projekti “Lungomare 2” çoi sërish punonjësit e IKMT në zonën e Orikumit ku do të shemben disa objekte të ndërtuara pa leje për t’i hapur rrugë punimeve. Ashtu si disa javë më parë edhe mëngjesin e sotëm, IKMT dhe forcat e policisë u përplasën me banorët që kundërshtojnë prishjen e banesave dhe bizneseve të tyre. Situata u tensionua disa herë, çka detyroi IKMT që të ndërpriste aksionin e shembjes së objekteve, pasi, disa nga banorët u përplasën edhe fizikisht me punonjësit e policisë. Banorët kërkojnë të njihen me projektin dhe kërkojnë që të zhvillohet një dëgjesë publike. Me pas dhjetëra banorë të Orikumit dhe Radhimës, u mblodhën në Orikum, ku zhvilluan një protestë kundër projektit.