Flutura Açka tashmë do të vijojë betejën si deputete e pavarur në Kuvend, pas largimit nga grupi parlamentar i PD-së. Po ashtu Açka tregon se të njëjtin distancim ka dhe ndaj Lulzim Bashës, pasi prej 11 qershorit është larguar dhe nga posti i nënkryetares së PD zyrtare. Deputetja opozitare pranon se ky mandat mund të jetë i pari dhe i fundit për të, pasi thotë se nëse Kuvendi miraton draftin për mbylljen e një pjese të listave ajo nuk do të garojë.