Sekretarja e Përgjithshme e Këshillit të Bashkëpunimit Rajonal, Majlinda Bregu, e pranishme në Konferencën e 16-të parlamentare rajonale për Integrimin Europian të shteteve pjesëmarrëse në Procesin e Stabilizimit dhe Asocimit të Evropës Juglindore, tha se një nga problemet më të cilat po përballet rajoni është dhe zhvendosja e popullsisë, ku sipas saj 1/3 e qytetarëve janë larguar.
”23% e të rinjve në rajon për momentin s’janë as në punë, as në shkollë, as duke u trajnuar”. Bregu ka thënë gjithashtu se “61% e të rinjve në rajon janë pro Integrimit Europian dhe shpresojnë se do i ndryshojë jetën, por 61% e tyre janë gati të largohen nga vendi i tyre nëse kjo gjë nuk ndodh”.
Nga ana tjetër, ajo tha se ”Ajo që do dëgjoni janë kambana e alarmit e asaj që perceptojnë vetë qytetarët në rajon. Jemi në presion të jashtëzakonshëm të zhvendosjes së popullsisë nga rajoni i Ballkanit. Tani 1/3 është larguar. Nuk është dukuri që vjen duke rënë. 23% e të rinjve në rajon për momentin s’janë as në punë as në shkollë as duke u trajnuar. Një shifër e konsiderueshme po të mendosh për atë çfarë do ndodhë për pak vite duke marrë parasysh mbushjen e administratës publike. Alarmante janë shifra të tjera ku të rinjtë në rajon në mënyrë të çuditshme bashkojnë bashkë dy shifra që për ne ishin gati surprizë me një saktësi matematikore të çuditshme. 61% e të rinjve në rajon janë pro integrimit europian dhe shpresojnë se do i ndryshojë jetën. 61% e tyre janë gati të largohen nga vendi i tyre nëse kjo gjë nuk ndodh. Është analogji për të kuptuar se sa lart pritshmëria për integrimin dhe për të ndryshuar vendet tona dhe si qëndron ajo në raport për tu larguar nga vendet nëse ky ndryshim nuk ndodh”.
