Investimet në universitete, Rama: Hapim rrugë të reja në zhvillimin e njohurive dhe potencialeve të studentëve

“Investime transformuese në universitete do të kemi këtë vit, nga Universiteti Bujqësor i Tiranës, në Universitetin Politeknik, ku ka filluar ndërtimi i Godinës së Fakultetit të Inxhinierisë së Ndërtimit dhe rikonstruksioni i ndërtesës së Fakultetit të Gjeologjisë dhe Minierave, së bashku me krijimin e Muzeut të Gjeologjisë.
Vijojmë investimet në Universitetin e Durrësit, me ndërtimin e godinës së Fakultetit të Studimeve Profesionale, në universitetet e Elbasanit dhe Vlorës, me ndërtimin e godinës së Fakultetit të Shkencave Mjekësore Teknike dhe Fakultetin e Shëndetit Publik.
Me investimet në universitete, hapim rrugë të reja në zhvillimin e njohurive dhe potencialeve të studentëve tanë”, shkruan Kryeministri Edi Rama në një postim në rrjetet sociale.