Investimi i Bashkisë Shkodër në rrugën “Roza Lejn” hyn në fazën e asfaltimit

Kryetari i Benet Beci njofton avancimin e punimeve në rrugën “Roza Lejn”, ku pas përfundimit të infrastrukturës bazë ka nisur shtrimi i asfaltit. Projekti është pjesë e programit të rikualifikimit urban të Shkodër, me synim përmirësimin e lidhjes së lagjeve me arteriet kryesore dhe rritjen e sigurisë rrugore për banorët.

Postimi i plotë:

Investimi i Bashkisë Shkodër në rrugën “Roza Lejn” dhe degëzimet e saj ka hyrë në një fazë të rëndësishme zbatimi.
Pas përfundimit të ndërhyrjeve në nënshtresë dhe sistemimit të infrastrukturës bazë, ka nisur shtrimi i shtresës asfaltike, duke i dhënë formë të plotë këtij aksi që lidh disa blloqe banimi me rrugët kryesore të zonës.
Ky investim është pjesë e programit të rikualifikimit urban në lagjet e qytetit, me fokus jo vetëm arteriet kryesore, por edhe rrugët dytësore që për vite kanë qenë problematike për banorët.
Puna vijon sipas grafikut, ndërsa përfundimi i shtresës asfaltike do të pasohet me sistemimin anësor dhe detajet përfundimtare të sigurisë rrugore.