Inxhinieri: Ndërtimet në mënyrë kaotike, nuk është bërë asgjë për përshtatjen e legjislacionit

Inxhinieri i ndërtimit, Erion Softa i ftuar në emisionin “Tempora” në RTV Ora tha se shoqëria shqiptare nuk reagoi ndaj tërmetit të 21 shtatorit dhe nuk u morën as masat më minimale.

Softa shtoi se ndërtimi në 30 vitet e fundit është bërë në mënyrë kaotike dhe nuk është bërë asgjë për të përshtatur legjislacionin me këtë fushë, pavarësisht se ka dhënë kontributin më të madh në ekonominë e vendit.

Erion Softa: “Fajin nuk e ka vetëm tërmeti, ishte shumë i fortë. Ne kemi pasur fatkeqësi natyrore edhe më parë. Dy muaj më parë. Ne nuk reaguam, shoqëria nuk reagoi. Nuk morëm as masat minimale. Ndërkohë që dolën edhe probleme të tjera të mosorganzimit. Ne nuk kemi ekipet të specializuara për këtë gjë. 

Ndërtimi është bërë në mënyrë kaotike 30 vitet e fundit. Nuk është bërë asgjë për të kontrolluar dhe për të përshtatur legjislacionin me këtë fushë pavarësisht se ka qenë një nga fushat që ka dhënë kontributin më të madhe në ekonominë e vendit.”