Ish-anëtari i PS tani kandidat për deputet i LSI/ Joka: PS po bën lojë të pisët, gati kallëzimi penal

LSI-ja po përgatit një kallëzim penal për PS-në, sipas së cilëve po vjedh votat e qytetarëve. Kështu thotë Etion Joka, ish-anëtar i PS-së, që tani më i është bashkuar LSI-së dhe është kandidat për deputet në zgjedhjet e 25 prillit. I ftuar në emisionin ”Sot Live në Shqipëri” në Report Tv, Joka tha se PS-ja po intimidon qytetarët që janë të partisë kundërshtare, e ndërsa po përpiqet që të blihet votat me ndihma të ndryshme. Ai akuzoi PS-në se po bën një fushatë agresive.

”PS-ja ka një lojë të pistë, pazaresh dhe tavolinash, në njësinë nr,1 nuk po bëhet fushatë nga PS-ja, por po intimidohen qytetarët, fushata më agresive, por përgatisim një dosje për kallëzim se po shpërndahen hipotekë, për mbushje të zyrash të bashkëqeverisjes më pako e ndihma për të shkuar tek njerëzit në një mënyrë jo të drejtë”, tha ai.

Nga ana tjetër, Joka ka komentuar edhe listën e PS-së, duke thënë se ka ofenduar ata që kanë kontribuar me vite, e ndërsa po promovohen njerëz për “show”. ”Kemi individ dhe emra që janë spostuar dhe ofenduar, ndërkohë që kanë qenë kolona udhëheqës, promovim njerëzit për show mediatk, për të krijuar një shkëputje nga hallet e përditshme, kjo është luftë e rikthimit të Shqipërisë në drejtimin e duhur”. Kurse largimin nga PS-ja dhe kalimin në LSI, Joka tha se nuk ishte një lëvizje për interesa vetjak, por çështje mendimesh.