Ish mininistri Demiraj takim zyrtar me kryeparlamentarin e Maqedonisë së Veriut, Talat Xhaferin

Aktualitet E Hënë, 22 Shkurt 2021 20:47

Ish- ministri i Brendshëm i Shqipërisë, Dritan Demiraj gjatë ditës së sotme ka udhëtuar nga Shqipëria në Maqedoninë e Veriut për një vizitë zyrtare në Parlamentin e Republikës së Maqedonisë së Veriut, me ftesë të kryeparlamentarit z. Talat Xhaferi.

Komunikimi dhe Bashkëpunimi, togfjalëshi që shoqëroi gjithë takimin nga një Lider Shqiptar shembulli i të cilit padyshim duhet ndjekur!Shqiptarët në Rajon e jo vetëm janë një faktor shumë i rëndësishëm, pa të cilët nuk ka as të shkuar e as të ardhme! – shkruan ish ministri Demiraj në rrjetet sociale.

Gjatë vizitës më shoqëruan Z. #Nagip_Fejzo, Kryetari i Forumit Ekonomik Mbarëshqiptar dhe Z. #Ermal_Jauri Kryetar i George C. Marshall Albania.

Në fokus të bisedimeve ishte rritja e bashkëpunimit në fushën e sigurisë, mbrojtjes dhe jo vetëm mes dy vendeve si dhe në veçanti ndërmjet faktorit Shqiptar në Rajon, gjë e cila u sigurua dhe nga Kryeparlamentari i Republikës së Maqedonisë së Veriut Z. Xhaferi.

Koha ka treguar që të bashkuar mund të ç’bëjmë dhe të tejkalojmë çdo keqkuptim apo pengesë të së kaluarës, gjithmonë me vizionin drejt një të ardhme më të mirë e të sigurtë për fëmijët tanë.

I shpreha bindjen Kryetarit Xhaferi për një bashkëpunim më intensiv dhe gjithëpërfshirës në fushën e sigurisë dhe mbrojtjes pas datës 25 Prill mes dy vëndeve tona.

Në përfundim të takimit pata kënaqësinë ti dhuroj Z. Xhaferi dhe Z. Fejzi disa nga botimet e mia të kolanës mbi terrorizmin dhe gruper terroriste, për të cilat ai më shprehu vlerësimet më të larta.

ETIKETA Dritan Demiraj

SHKARKO APP

iPhone

Android

Më shumë lajme të fundit