Ish-zëvendësministri i Arsimit: U emërova pa kontratë pune

Ai është zv/ministri me postin më jetëshkurtur në historinë e një kabineti qeveritar në Shqipëri. Po flasim për Taulant Mukën. Së fundmi, në një intervistë në “Ftesë në 5”, ish- zëvendës ministri i Arsimit, u shpreh se është emëruar zv/ministër pa një kontratë pune dhe se askush nuk i ka verifikuar diplomat e tij.

Ai ironizon duke thënë se çdokush mund të plotësojë një CV sipas dëshirës dhe mund të bëhet ministër, dhe pse jo kryeministër.

”Ne jetojmë në një shtet WhatsApp-i! Unë u emërova zv/ministër pa një kontratë pune. Këtu vetëm flitet, shkëmbehen mesazhe por nuk dokumentohet! Unë dorëzova një CV, por në asnjë moment nuk u verifikuan diplomat e mia. Ti mund të plotësosh një CV sipas dëshirës dhe mund të bëhesh ministër dhe pse jo kryeministër”, shprehet Muka.