ISHP mësyn tek bizneset e të infektuarëve me koronavirus

Personeli i Institutit të Shëndetit Publik ka shkuar tashmë në ambientet e bizneseve të dy personave që rezultuan pozitiv me koronavirus për të bërë dezinfektimin.

Mediat zbuluan që në mëngjes se bëhej fjalë për babë e bir me origjinë nga Puka dhe banorë në rrugën “Irfan Tomini” në Tiranë (emra të njohur për redaksinë).

Gazetari i Abc News Maksi Rama është duke raportuar live nga rruga “Irfan Tomini” ku ndodhen bizneset e dy personave të infektuar.

Specialistët e ISHP kanë dezinfektuar bizneset për disa minuta duke u larguar tashmë.

Babë e bir, V.K, 54 vjeç dhe P.K, 28 vjeç janë pronarë të një bar kafeje dhe një lavazhi në rrugën “Irfan Tomini” në Tiranë dhe kanë hyrë nga pika e Muriqanit më datë 26 shkurt.

Mësohet se gjatë ditës së sotme janë izoluar të afërmit e tjerë të personave të prekur me koronavirus me qëllim shmangien e infektimit të personave të tjerë.