Ishte dënuar me 17 vjet burg për vrasje, ekstradohet nga Italia 46-vjeçari

Ekstradohet nga Italia, drejt vendit tonë, një person i shpallur në kërkim ndërkombëtar për “Vrasje me paramendim”.

Edvid Ndile, 46 veç, banues në Berat ishte shpallur në kërkim pasi, Gjykata e Rrethit Berat me vendimin Nr. 82 datë 21.06.2002 e ka denuar me 17 vjet burg per Veprën Penale të “Vrasjes me paramendim” .

Në prill të vitit 2001, Ndile ka qëlluar me armë zjarri drejt një automjeti ku udhëtonin tre persona. Për pasojë ka gjetur vdekjen shtetasi G. R.

Si rezultat i bashkëpunimit të Interpol Tirana me Interpol Romën në Itali, u bë i mundur arrestimi, me qëllim ekstradimin drejt vendit tonë.

Në aeroportin Nënë Tereza në Rinas, 46-vjeçari iu dorëzua përfaqësuesve të Drejtorisë së Përgjithshme të Burgjeve.