Ishte në “arrest shtëpie”, shqiptari i jep fund jetës në Itali

Një emigrant shqiptar i ka dhënë fund jetës në Itali, ndërsa ndodhej në “arrest shtëpie”. 35 vjeçari i ka dhënë fund jetës duke u vetëvarur në një pemë, në oborrin e shtëpisë së tij.

Ngjarja e rëndë ka ndodhur në Imperia, Itali, në rrugën “Felice Musso”. Trupin pa jetë e kishte gjetur e fejuara e shqiptarit, i cili ka njoftuar menjëherë ndihmën e shpejtë.

Në vendin e ngjarjes ka mbërritur edhe policia, e cila ka nisur hetimet në lidhje me shkaqet e kësaj ngjarje.