Ishte shpallur në kërkim për plagosje, pranga të riut nga Fieri

Një 31-vjeçar, i cili ishte shpallur në kërkim për plagosje ka rënë në pranga.

Burime zyrtare nga policia e Fierit bënë me dije se bëhet fjalë për Zeni Velajn, banues në fshatin Varibop, ndaj të cilit Gjykata e Fierit kishte caktuar masën e sigurisë ‘Arrest me burg’ për “Plagosje të rëndë me dashje”.

NJOFTIMI I POLICISË

Specialistët e Sektorit për Hetimin e Krimeve të Rënda në Drejtorinë Vendore të Policisë Fier, ndaluan shtetasin e shpallur në kërkim:

-Zeni Velaj, 31 vjeç, banues në fshatin Varibop, Fier.

Ndalimi i këtij shtetasi u bë pasi Gjykata e Rrethit Gjyqësor Fier me vendimin e datës 22.10.2015 ka caktuar masën e sigurisë “Arrest në burg” për veprën penale “Plagosje e rëndë me dashje” parashikuar nga Neni 88/1, 25 i Kodit Penal.