Itali, kapet shqiptari me 500 mijë euro kokainë

Policia italiane në Chieti arrestoi mbrëmë një shqiptar nga Durrësi 26 vjeç , banues në Emilia Romanja, mbi të cilin bie akuza e posedimit ilegal të drogës, për qëllime të shitjes.

Droga e llojit kokainë ishte ndarë në disa qese dhe nëse hidhej në treg vlen 500 mijë euro. Ndërsa bashkë me shqiptarin u prangos edhe një mik i tij italian 30 vjeç, raportojnë mediat italiane.

Shqiptari u dërgua në burgun e Chietit, në dispozicion të autoriteteve.