Itali, shqiptarët sherr me armë në lokal, njëri hap zjarr kundër tjetrit

Për një kohë të shkurtër, është kaluar nga zënka me fjalë në përdorimin e armëve. Njëri prej tyre ka qëlluar me pistoletë në drejtim të tjetrit.

Bëhet fjalë për dy shqiptarë, të cilët janë grindur fillimisht në një bar rreth orës 23:00 të mbrëmjes së shkuar, ku njëri prej tyre ka hapur zjarr në drejtim të bashkatdhetarit.

Shqiptari, banues në Monte Vidon Corrado u plagos me një plumb në këmbë duke përfunduar në spital në gjendje jo të rëndë shëndetësore.

Policia vendase është në kërkim të autorit, ndërsa po shihen edhe imazhet e kamerave të sigurisë për sqarimin e plotë të ngjarjes.