Ivanka Trump sërish në Shqipëri, ndalesë në Vlorë dhe dreka në Dhërmi me Ramën

Ivanka Trump, vajza e presidentit të Amerikës, ka mbërritur në jug të Shqipërisë, duke zgjedhur qytetin bregdetar të Vlorë sërish si destinacion për vizitën e saj të fundit.

Ajo ka kaluar mbrëmjen në vilat qeveritare në zonën bregdetare, ndërsa gjatë ditës së sotme pritet të zhvillojë një drekë me kryeministrin Edi Rama në Dhërmi.

Burime bëjnë me dije se gjatë qëndrimit të saj, Ivanka Trump mund të ketë edhe disa ndalesa të tjera në Vlorë, megjithatë detajet mbi axhendën dhe qëllimin e vizitës mbeten ende të paqarta.

Ndërkohë, kreu i qeverisë Edi Rama ka mbërritur në jug të vendit që prej pasdites së së shtunës dhe pritet të vijojë qëndrimin e tij deri të hënën, ku në fokus janë takime dhe inspektime në kuadër të angazhimeve qeveritare.