Ja sa vite burg rrezikon Shukri Xhelili

Skandali seksual i transmetuar nga Oraneës mund t’i kushtojë shtrenjtë Shukri Xhelilit.

Ish-kryebashkiaku e ka paguar tashmë këtë skandal me humbjen e vendit të punës, por nëse shpallet fajtor për tre akuzat e ngritura, ai mund të rrezikojë 12 deri në 18 vite burg.

Sipas komunikatës zyrtare të policisë Dibër, ndaj tij Xhelilit janë ngritur akuzat për marrëdhënie seksuale, shpërdorim detyre dhe korrupsion.

Akuza e parë është ajo për marrëdhënie seksuale duke shpërdoruar detyrën dhe sipas nenit 105 të kodit penal ai rrezikon 3 vite burg.

Akuza tjetër është ajo e shpërdorimit të detyrës ku sipas nenit 248 të kodit penal “Kryerja ose moskryerja me dashje e veprimeve a e mosveprimeve në kundërshtim me ligjin, që përbën mospërmbushje të rregullt të detyrës, nga personi që ushtron funksione publike, kur i kanë sjellë atij ose personave të tjerë përfitime materiale ose jo materiale të padrejta a kanë dëmtuar interesat e ligjshëm të shtetit, të shtetasve dhe të personave të tjerë juridikë, nëse nuk përbën vepër tjetër penale, dënohet me burgim deri në shtatë vjet.

Ndërsa akuza e tretë ndaj ish Kryebashkiakut të Peshkopisë është ajo e korrupsionit pasiv i personave që ushtrojnë funksione publike.

“Kërkimi ose marrja, drejtpërdrejt ose tërthorazi, i çdo lloj përfitimi të parregullt ose i një premtimi të tillë, për vete ose për persona të tjerë, ose pranimi i një oferte a premtimi që vjen nga përfitimi I parregullt, nga personi që ushtron funksione publike, për të kryer ose mos kryer një veprim, që lidhet me detyrën a funksionin e tij, dënohet me burgim nga dy deri në tetë vjet.