Ja të burgosurit që përfitojnë nga amnistia, dalin nesër
Qeveria shqiptari miratoi në fund të dhjetorit amnistinë për të burgosurit. Ishte Ministria e Drejtësisë, e cila vendosi kriteret se cilët persona do të përfitonin nga kjo amnisti. Ndërsa në seancën e fundit të vitit 2016, parlamenti votoi draftin e propozuar nga Ministria e Drejtësisë.
Personat që kanë përfituar nga amnistia do të lirohen nesër. Mësohet se në mesin e atyre që do të lenë qelinë ditën e nesërme janë 18 gra dhe 8 të mitur.
Po ashtu, bëhet e ditur se nga burgu i Fierit do të jenë 152 persona që do të fitojnë lirinë, më shumë se nga çdo burg tjetër në vendin tonë.
Sipas ligjit të miratuar përfituesit janë:
1. personat e dënuar me vendim gjyqësor të formës së prerë, me burgim deri në 3 vjet për dënime të dhëna deri në datën 25 dhjetor 2016, pavarësisht nga koha e mbetur nga dënimi;
2. Amnistohen personat e dënuar me burgim, të cilëve, deri në datën e hyrjes në fuqi të këtij ligji, u kanë mbetur pa vuajtur nga ky dënim deri në 3 vjet;
3. Amnistohen personat e dënuar femra, që, në datën e hyrjes në fuqi të këtij ligji, janë baras ose mbi moshën 55 vjeç;
4. Amnistohen personat e dënuar meshkuj, që, në datën e hyrjes në fuqi të këtij ligji, janë baras ose mbi moshën 60 vjeç; 5. Amnistohen personat e dënuar me burgim, të cilët, në kohën e kryerjes së veprës penale, kanë qenë baras ose nën moshën 18 vjeç, pavarësisht nga ndalimet e nenit 4 të këtij ligji, me përjashtim të atyre që janë dënuar për vepra penale, të parashikuara në nenet 76, 77, 78, 78/a, 79, 79/a, 79/b, 79/c, 81, 87, në paragrafin e dytë, të nenit 88, në nenet 100, 101, 103, 104, 107/a, 108, 109, 110/a, 139, 140, 141, 234/a, 234/b, 278/a, 282/a, 283/a, 333, 333/a e 334 të Kodit Penal. Nuk përfitojnë nga kjo pikë përsëritësit e së njëjtës vepër penale.
KOHA JONË SONDAZH
