Jelekët e verdhë djegin Parisin

Parisi është kthyer sërish në një fushë-betejë përleshjesh për aktin e 18 të jelekëve të verdhë që kishin paralajmëruar protestë masive me rastin e përmbylljes së një debati kombëtar të Presidentit Emanuel Makron.

Protestuesit i vunë zjarrin dyqaneve dhe kioskave përgjatë rrugëve kryesore të kryeqytetit francez. Të paktën 11 persona mbetën të plagosur si pasojë e përplasjeve. Jelekët e Verdhë kërkojnë dorëheqjen e Presidentit Macron, të cilin e akuzojnë për përkeqësim të kushteve të jetesës.