“Jemi me ju”, Manastirliu publikon foton e dy mjekëve: Kanë 40 ditë pa parë fëmijët e tyre, kujdesen me përkushtim për të shëruar pacientët me Covid-19

Ministrja e Shëndetësisë Ogerta Manastirliu ka publikuar foton e dy mjekëve, të cilët shërbejnë në spital për të shëruar pacientët me Covid-19.

Manastirliu shprehet se prej 40 ditësh dr. Nevila dhe dr. Arbër Gjermeni i janë dedikuar me mish e me shpirt punës me pacientët e prekur nga #covid19 në spitalin #Infektiv.

“Ata kanë plot 40 ditë pa i parë fëmijët e tyre, djalin 10-vjeçar dhe vogëlushen vetëm 14 muajshe, ndërsa kujdesen me përkushtim, çdo ditë, për shërimin e pacientëve që po përballen me virusin e rrezikshëm”, thotë Manastirliu.

Postimi i ministres Ogerta Manastirliu:

Prej 40 ditësh dr. Nevila dhe dr. Arbër Gjermeni i janë dedikuar me mish e me shpirt punës me pacientët e prekur nga #covid19 në spitalin #Infektiv.

Ata kanë plot 40 ditë pa i parë fëmijët e tyre, djalin 10-vjeçar dhe vogëlushen vetëm 14 muajshe, ndërsa kujdesen me përkushtim, çdo ditë, për shërimin e pacientëve që po përballen me virusin e rrezikshëm??

#Krenare për mjekët!

#JEMIMEJU