Jeta në rrezik dhe në qendër të Beratit, Bashkia dhe firma e ndërtimit s’kanë lënë hapësira për trotuare

Të kalosh nga qendra e Beratit do të thotë të rrezikosh jetën. Punimet që po kryhen për parkimin e shumëkundërshtuar i detyrojnë këmbësorët të dalin në rrugë.

Më të kërcënuar janë fëmijët. Skandal e papërgjegjshmëri që rrezikon jetë.

“Rruga është shumë e rrezikshme.”

Bashkia e Beratit e drejtuar nga Ervin Demo dhe firma që po kryen punimet nuk kanë marrë asnjë masë për të mbrojtur kalimtarët.

Në mes të rrugës është lënë dhe stacioni i urbanit Uznovë-Kombinat.

“Na marrin makinat dhe na shtrijnë xhadesë, çfarë të bëjmë ne pastaj” thotë një e moshuar.

Përballë këtij skandali neglizhence me jetën një grup të rinjsh protestuan duke i dhënë bashkisë së drejtuar nga socialisti Ervin Demo shembullin sesi duhet të mbrojë jetën e qytetarëve. /Ora News