“Jo polici fjale”, gazetarët shpalosin pankartat para parlamentit

Gazetarët kanë dalë në protestë para Parlamentit kundër paketës “anti-shpifje”.

Ata janë shoqëruar edhe nga aktivistë e njerëz të thjeshtë të cilët janë kundër paketës së propozuar nga Rama.

Me pankarta në duar, ata përcjellin mesazhe kundër votimit të draftit, i cili është parashikuar të miratohet në seancën e sotme parlamentare.

Ndër mesazhet më të spikatura janë “Rama takes it all!” (Rama i merr të gjitha); Mos na prek fjalën; Jo polici fjale; Që do bëhesh opozitë, ky nuk është fake neës; Kush kontrollon median, kontrollon mendjen; Pas timonit dhe tepsisë, lapsin dhe mikrofonin; S’mund ti mbyllin gojën medias, një Kryeministër palaço, një Kuvend klloun, një opozitë që hesht etj.