Juristi Daci: Shkarkimi i Muçit, i paralajmëruar

Juristi Jordan Daci i ftuar na emisionin “360 Gradë” në RTV Ora u shpreh se shkarkimi i gjyqtarit Besnik Muçi ishte i paralajmëruar.

Daci: Shkarkimi i zotit Muçi ishte një kronikë e paralajmëruar. Gabimi i qëllimshëm filloi me KED pikërisht me dërgimin e emrit të tij si anëtar iu Gjykatës Kushtetuese. Ky organ nuk duhet të kishte çuar emrin për kandidat të Gjykatës Kushtetuese pa mbaruar të gjitha shkallët e vetingut. Në këtë moment presidenti u vu para një fati të kryer dhe nuk e ka më tagrin të verifikojë vettingun ose jo. Fakti pse e ka zgjedh është meritë e presidentit dhe nuk di ta them pse e bëri.