”Kam djalin dhe prindërit e sëmurë”, Prokuroria tërheq kërkesën për Dacin

Prokuroria është tërhequr nga kërkesa “arrest me burg” për Ruzhdi Dacin. Kjo pasi, gjatë seancës Daci është shprehur se ka djalin dhe prindërit e sëmurë dhe se duhet të kujdeset për ta. Në vend të “arrest me burg”, Prokuroria ka kërkuar masën “detyrim paraqitjeje”. ”Nuk më është paraqitur asnjë provë. Kam nënën e sëmurë. Babai është gjithashtu i sëmurë me sklerozë. Kam dy fëmijë dhe gruan. Nëse me prishin shtëpitë unë bashkë me familjen s’kam ku të fus kokën. Kam dalë në protestë vetëm për të mbrojtur shtëpinë pasi në atë vend jetoj që në vitin 1993. Nuk kam qëlluar policinë. Jam shoqëruar si kriminel”.