Sekretari organizativ në PD-në e Rithemelimit, Klevis Balliu ka reaguar për ngritjen e dy kampeve në Shëngjin dhe Gjadër. Ai thekson se ardhja e refugjatëve në Shqipëri është goditje përfundimtare për sigurinë dhe shëndetin e shqiptarëve.
”Nëse kjo marrëveshje do të zbatohet, Lezha dhe shumë shpejt i gjithë vendi do të ketë pamjen e një shteti të goditur nga një bombë bërthamore.
Ekonomia do shkatërrohet, siguria e jetës do të jetë inekzistente, shëndeti publik në rrezik sepse sëmundje të pafundme do të hyjnë në shtëpitë e shqiptarëve.
A mundet të lejojmë që vdekja të na trokasi në derë që Surreli të rrisi llogaritë e tij bankare dhe të zgjasë e forcojë pushtetin e tij? A jemi gati të shohim Shqipërinë dhe shqiptarët të vdesin që të zgjerohet pushteti i Edi Ramës”,-shkruan ndër të tjera Balliu.