Kanabisi mjekësor, pastori Akil Pano: Nuk ka garanci për oficerët

Pastori Akil Pano ka folur për rrezikun e kanabisit mjekësor në Shqipëri. Pano thotë se kush do të garantojë që aktivitetet e jashtëligjshme nuk do të jenë të një niveli më të lartë se sa janë.

“Vetëm dy ditë më parë Policia e Shtetit ka arrestuar punonjës të policisë për shkak të mitmarrjes, atje ku ngrihet dhe ulet trau.

Kush do garantojë shqiptarët që punonjësi i Tatimeve, oficerët e zonave të caktuara do të jenë njerëz me integritet të cilët nuk do të marrin para edhe nga parcela e atij fermerit i cili nuk ka qenë në gjendje që të marrë koncesionin edhe nuk ka qenë në gjendje për të marrë leje për të prodhuar në parcelën e vet kanabisin mjekësor.

Nëse si shqiptarë kemi mbjellur kodrat dhe fushat e vendit tonë kur ky ishte aktivitet i jashtëligjshëm, kush do na garantojë që aktivitetet e jashtëligjshme nuk do të jenë të një niveli më të lartë se sa janë”.