Kandidatja për deputete-Ramës: Jam vajza e një prokurori, ju jeni pak arrogant

Albana Hana, vajza e prokurorit të njohur Xhevat Hana, do të përfaqësojë Partinë Socialiste në zgjedhjet e 25 Prillit në zonën e Rrajcës dhe të Prrenjasit. E prezantuar sot nga kryeministri Edi Rama, e pyetur mbi defektin e kreut të PS-së, ajo foli shumë drejtëpërdrejtë. Hana i tha kryeministrit Rama se është arrogant ndërsa ai iu përgjigj që ajo që etikohet si e tillë, është drejtëpërdrejtësia.

“Unë jam vajza e një prokurori të nderuar që s’jeton më, është ndarë nga jeta. Emri i atij është emri im. Do mundohem të çoj sa më lartë emrin e tij. Unë kam vënë re në marrëdhëniet me komunitetin ku jetoj, PS është e ndjeshme ndaj fëmijëve planprishës. Duhet të jetë më i kujdesshëm dhe të jetë më pranë atyre që nuk e kanë tradhëtuar”,-tha ajo.

“Çfarë sheh një defekt që kam unë. Ke 5 sekonda kohë për ta thënë”,-tha Rama.

”Jeni pak arrogant”,-tha Hana.

“E the butë. Mbase jam. Unë mendoj që mua më etiketohet arrogancë, është drejtpërdrejtësia. Bindjet nuk janë gjithmonë të drejta në një debat. Unë preferoj t’i mbroj bindjet e mia. Nëse jam gabim, unë tërhqiem dhe kërkoj falje”,-shtoi Rama.

Albana Hana ka eksperiencë të konsiderueshme në administratën publike dhe është eksperte e fondeve dhe programeve të Bashkimit Evropian, veçanërisht eprogrameve të Bashkëpunimit Ndërkufitar.