Kapen 300 kg marijuanë në Leçe, dyshohet se vinin nga Shqipëria

300 kg marijuanë janë zbarkuar në brigjet e Leçes për të rifreskuar tregun e drogës mes Leçes dhe rrethinave të saj.

Droga u sekuestrua nga policia italiane në zonën e quajtur “Case Simini”, brenda një furgoni të llojit Fiat Fiorino të braktisur nga trafikantët e drogës.

Marijuana dyshohet se ka ardhur nga brigjet shqiptare.

Furgoni ishte në pronësi të një shtetasi italian dhe droga mendohet se është zbarkuar pak para sekuestrimit.

Droga ishte e sistemuar në fugon gati për t’u transportuar diku tjetër, por ndërhyrja e Guardia di Finanza dëmtoi planin e trafikantëve, që u detyruan të largoheshin për të shmangur rënien në pranga.