Karamuço tregon emrin e drejtorit të policisë që është kër@ënuar

Eksperti i Kriminalistikës, Ervin Karamuço thotë se drejtuesit e policisë po goditen qëllimisht teksa jemi në prag të garës për kreun e ri të policisë së shtetit. Ai tregoi se kreu i policisë së Shkodrës, Edmond Sulaj që u përmend në Parlament nga Gazment Bardhi si emër në përgjimet SKY ECC, është kërcënuar nga bandat por nuk ka pranuar asnjëherë ta bëjë publik si fakt. “Drejtori i Shkodrës ka pasur një vit shumë të vështirë, me ngjarje të rënda kriminale dhe e ka përballuar. Aksione pa fund për asgjësimin e bimëve narkotike. Ai është kërcënuar nga bandat, por nuk e pranon vetë në media se nuk do të ulë autoritetin e të viktimizohet, por në ditët në vijim është kërcënuar, edhe në atentatin e fundit ai është kërcënuar”, tha Karamuço në “Euronews Albania”.