4 është numri i pacienteve të shtruar në spitalin Covid 1 në Tiranë. Pacientët që po marrin trajtim mjekësor të specializuar janë të gjitha gra. Ato janë 61, 65, 69 dhe 71 vjeç dhe janë shtruar në spital pasi gjendja e tyre u rëndua pas prekjes nga Covid-19.
Ato kishin hezituar të vaksionohen edhe pse emrat e tyre janë futur listat e vaksinimit që në fillim të muajit Prill, dhe për pasojë prekja nga Covid-19 i ka drejtuar në spital. Mjekët pohojnë se 4 gratë, 3 prej të cilave nga Elbasani dhe 1 nga Tirana, po trajtohen me oksigjen dhe po mbahen nën vëzhgim.
Që prej fillimit të pandemisë deri më tani të gjitha rastet e rënduara që kane patur nevojë për hospitalizimin janë persona që nuk kanë injektuar asnjë prej vaksinave anti-covid. Në të gjithë vendin janë vetëm 55 raste aktive, prej të cilëve 52 janë vetëizoluar në shtëpi me simptoma të lehta.
