Këshillimi Kombëtar i shqiptarëve, do të kushtojë 25 milionë lekë

Këshillimi Kombëtar do ti kushtojë shqiptarëve 25 milionë lekë, përmes të cilit do japin mendime për disa nga çështjet më me rëndësi. Ky fond do të merret nga fondi rezervë i buxhetit të shtetit i miratuar për vitin 2022.

Ky vendim i Këshillit të Ministrave ka ardhur një ditë pasi u bë publike dhe anketa me 12 pyetjet dhe çështjet me rëndësi për vendin që do të këshillohen me qytetarët.

Konkretisht ky fond është i ndarë në 19.7 milionë për reklamat në mediat audiovizive dhe të shkruara dhe realizimin e materialeve promocionale dhe 5.3 milionë do i kalojnë INSTAT për hedhjen në format digjital të të dhënave të pyetësorëve fizikë (të mbledhur nga posta dhe nga pikat e dedikuara për plotësimin e tyre në sheshet dhe/ose ambientet e tjera publike), në funksion të programit të “Këshillimit Kombëtar.