Kishin mbushur gomonen me 1.2 ton kanabis nga Shqipëria, arrestohen dy shqiptarët në Greqi (VIDEO)

Dy shqiptarë kanë rënë në prangat e policisë greke pasi dyshohen si organizatorë të transportimit një sasie të konsiderueshme me lëndë narkotike.

Gomonia e ngarkuar me 1.2 ton kanabis u kap dje nga forcat detare greke në vendin e quajtur Marmario Mani, ndërsa në pranga ra edhe shoferi i saj.

Aksioni i policisë greke vijoi edhe sot ku u arrestuan dy shqiptarë të tjerë, të cilët u kapën pikërisht në një rrugë dytësore pranë Lakonisë. Mediat greke raportojnë se lënda narkotike kanabis ishte ngarkuar në Shqipëri.