Kishte probleme shëndetësore, 61-vjeçari gjendet i mbytur në kanal

Një burrë është gjetur paraditen e sotme, i mbytur në një kanal në qytetin e Durrësit.

Sikurse njofton policia ai është gjetur pa shenja jete, rreth orës 10:10, në lagjen nr.15, Durrës.

Policia bën me dije se viktima, i identifikuar si shtetasi I.H.,61 vjeç, kishte probleme shëndetsore, por nuk saktësohet nga se vuante konkretisht.

Grupi hetimor ndodhet në vendngjarje dhe po punon për zbardhjen e plotë të ngjarjes.