Kjo është gjyqtarja që do t’i nështrohet Vettingut pas Arta Markut!

Pas Arta Markut, përpara Komisionit të Pavarur të Kualifikimit do të paraqitet Alma Brati, gjyqtare pranë Gjykatës së Rrethit Gjyqësor Tiranë.

Ndërkohë pak më herët Komisioni i Pavarur i Kualifikimit mori një tjetër vendim të rëndësishëm, atë të ndërprerjes së Vetting-ut për Gjyqtaren e Tiranës Brunilda Kasmi.

Nesër është radha e kryeprokurores së Përkohshme, Arta Marku të paraqitet përpara Komisionit të Pavarur të Kualifikimit, për t’iu nënshtruar testit të pasurisë, të integritetit personal dhe profesionalizmit.

Duket se Arta Marku është në prag të konfirmimit në detyrë duke parë pasurinë modeste. Ajo zotëron 1/3 e një apartamenti 55 metra katrorë, mesa duket të privatizuar bashkë me prindërit, si dhe një apartament me vlerë 103 metra katrorë të blerë me kredi bankare.