Klandestinë në tunelin tek Rana e Hedhun, arrestohen dy lezhjanë. Emrat

Eshtë intensifikuar shumë kohët e fundit lëvizja e klandestinëve dhe tentativa e qytetarëve të ndryshem për tu dhënë ndihmë në kalimin e kufirit  nëpërmjet transportit të paligjshëm.

Policia e Lezhës ka arrestuar dy persona për dhënie ndihmë në kalim të paligjshëm kufiri. Në pranga kanë rënë Besnik Gjoka, 46 vjeç dhe Valentino Ndoci, 48 vjeç.

Sipas bluve, “këta shtetas, u kapën duke tentuar në bashkëpunim me njëri-tjetrin,  tu japin ndihmë për kalim të paligjshëm të kufirit, 7 shtetasve të vendeve të treta, të cilët u konstatuan brenda një tuneli tek “Rana e Hedhun” në Shëngjin”.

Materialet proçedurale në ngarkim të B.Gjokes dhe V.Ndocit, u referuan Prokurorisë së Rrethit Gjyqësor Lezhë për veprën penale ” Ndihma për kalim të paligjshëm të kufirit “kryer në bashkëpunim’ parashikuar nga neni 298/2 – 25 i Kodit Penal.

©