KLSH padit 7 zyrtarë të AKBN-së , lejuan shfrytëzimin makabër të nëntokës

Nnga kontrolli i KLSH-së për vitin 2013 tek ky institucion ka rezultuar ndër të tjera një fakt: Subjektet e pajisura me leje për shfrytëzim rezultojnë të kenë prodhuar për çdo mineral, sasi të konsiderueshme në mijëra tonë, ndërkohë që numri i punëtorëve në këto subjekte varion nga 2-4 punonjës, fakt që dëshmon se në këto subjekte punohet “në të zeze”dhe kjo pranohet në heshtje nga AKBN, kur miraton programet me nga 2 deri 4 punonjës me sigurim jete, ose ka dhe raste kur kërkohet minimumi dy punonjës të siguruar.”

Sipas KLSH-së, Agjencia është vetëpërjashtuar nga rregullat për organizimin dhe funksionimin e administratës shtetërore dhe ka lejuar abuzimin nga ana e shoqërive koncesionare, të cilat gëzojnë leje shfrytëzimi, që të bëjnë një shfrytëzim të paskrupullt të burimeve nëntokësore, duke shkatërruar në shumicën e rasteve zonat mjedisore në të cilat ata operojnë.