Koço Kokëdhima e humbet zyrtarisht mandatin e deputetit

Komisioni Qendror i Zgjedhjeve miratoi sot kalimin e mandatit të deputetit nga Koço Kokëdhima te Edmond Leka, por me votat kundër të anëtarëve të opozitës. Ata kërkuan që Leka t’i nënshtrohej verifikimeve për gjendjen gjyqësore. Leka mbante postin e drejtorit të Portit të Vlorës dhe formulari tij i vetëdeklarimit është dorëzuar në Ministrinë e Ekonomisë.
Koço Kokëdhima humbi mandatin e deputetit me vendim të Gjykatës Kushtetuese e cila e gjeti në papajtueshmëri në Kushtetutën. Kokëdhima kishte përfituar fonde publike gjatë kohës së ushtrimit të funksionit të deputetit.